విజయవాడ రాజధాని అవుతుంది అంటే సంతోషంగానే వుంది కానీ..
విజయవాడ చుట్టూ ప్రక్కల ఉన్న పంట పొలాలు స్థలాలై సిమెంట్ భవంతులతో, కాంక్రీట్ మయమవుతాయేమొ.
ప్రకృతి పలకరింపు కనుమరుగు అవుతుందేమొ.
కాలుష్యపు కోరలు జడలు విప్పుతుందేమొ.
కాడేడ్లు కనుమరుగు అవుతాయేమొ.
పల్లె వాసాలు పట్నపు రంగుల తలుకు బెలుకులలో ఉక్కిరిబిక్కిరి అవుతాయేమొ.
మా ఊరి ప్రక్కన చిన్న అడివి, అప్పుడప్పుడు మా పోలల్లోకొచ్చి పలకరించే జంతువులు, పక్షులను ఇక జూ పార్క్ లలో చూడటమే నేమొ
పొలాల గట్లపై ఉండే తాడి చెట్లు ఇక ఉండవేమొ.
వెదురు కర్రతో తాయారు చేసే బుట్టలు ఇక కనపడవేమొ.
నీటి మడుగులు మటుమాయమవుతాయేమొ.
స్వచ్చమైన చెరువు నీటిని అభివృద్ధి పేరుతో కలుషితం చేసి బరించలేని వాసనలతో మురికి కూపాలుగా మారుస్తారేమో.
అందంగా కనిపించే పర్వతాల సోయగాలు హరించుకు పోతాయేమొ.
పేద , మధ్యతరగతి బ్రతుకులు ఇంకా బారమవుతాయేమొ .
అభివృద్ధి ముసుగులో ఇంకా ఎన్నెన్ని అంతరించి పోతాయో...
No comments:
Post a Comment